Freiheit

Autoren: Maria Fiechter
Eb-Dur | Eden Music © 2021

Vers 1
Wiene Vogel mit gstuzte Flügel
bin i jahrelang gsy
u ha nid gmerkt, dass i ja gar nid flüge cha
ha gmeint i syg frei u nid abhängig,
vo dr Gsellschaft rund um mi
doch d Meinige vo Mönsche
hei mi definiert

Vers 2
E guete Chrischt, es Vorbild,
ha i für aui wöue sy ha aues gä,
doch ha immer wider verseit
ha aues versuecht, die z`sy,
wo i so gärn hätt wöue sy
doch jedes Probiere het mi ad Gränze bracht

Pre-Chorus
Woni am Punkt bi aacho,
u kapituliert ha vor dir
isch öppis Wunderbars entstande,
e Beziehig zu dir
du hesch mir afa zeige, wie Gnad funktioniert
u was es Läbe i dr Fülli heisst,
i dr Freiheit vo dir

Chorus
Freiheit heisst, i muess nüt bewiise,
nüt leischte um öpper z `sy
ja vo dir bini vollkomme aagnoh, mit mym ganze Sy
mys Läbe isch liechter, mys Läbe isch freier,
syt i weiss, dass du mi liebsch
i muess mi nümm um mi säuber dräie,
i bi jetz frei um dir z`diene Herr

Vers 3
I muess mi nümm vergliiche,
u i muess nid perfekt sy
i bi lieber ächt und verletzlech,
u schwach i mym ganze Sy
hüt weiss i, dass i myr Schwachheit,
dyni Chraft cha fürecho
i cha nüt us mir säuber tue
aber aues wird müglech dür di