Morgegebät

Dini Frucht nimmt zue i mir

dini Liebi dini Fröid

Friede und Geduld

söllend wachse i mym Härz

Mit allem was dr Tag mit sich bringt

gibi ne ganz dir hii

Heilige Geist nimm du Ruum i mir ii

mys ganze Sii wird durfluetet vo dir

mini Seel und mys Fleisch

stönd im Dienst vo dym Geischt

I gang vor dir ufd Chnüü

und wett dir folge a däm Tag

Die Fründlichkeit vo dir

bringt Veränderig i mir

ich wott güetig sii wie du

und möcht tröi sii i mym Tue

Zeig du mir, was Sanftmuet heisst

I mim Handle, i mym Sii

lehr mi dini Disziplin

bruch mys Läbe für dys Riich

Du bewürksch,

dass mys Herz freudig singt:

I gibe mi ganz dir hii